सडक सुरक्षा र व्यवस्थापन ट्राफिक प्रहरीको एक्लो जिम्मेवारी होइन : प्रहरी प्रमुख कार्की

काठमाडौँ- प्रहरी महानिरीक्षक दानबहादुर कार्कीले सबारी नियम पालना गराउँदा कारबाही वा जरिवानाको स्थिति नआओस् भन्ने चाहना रहेको बताएका छन्।

मेट्रो ट्राफिक एफएमको १४ औँ वार्षिकोत्सवका अवसरमा काठमाडौँ उपत्यका ट्राफिक प्रहरी कार्यालयले शुक्रबार आयोजना गरेको कार्यक्रममा प्रहरी प्रमुख कार्कीले सडक पूर्वाधार, जनचेतना र पाठ्यक्रम सुधार जस्ता कार्यमा स्थानीय तह र नागरिक नै अग्रसर भएर कारबाही वा जरिवानाको स्थिति नआओस् भन्ने चाहना रहेको बताएका हुन्।