अमेरिकी आणविक वैज्ञानिक र रक्षा कम्पनीका इमेल रुसी ह्याकरहरूको निशानामा

वासिङ्टन डीसी । अमेरिका र उसका सहयोगी देशहरूले रुसी साइबर गुप्तचरी गतिविधिबारे नयाँ चेतावनी जारी गरेका छन् । उनीहरुले साे चेतावनी जारी गर्दै रुसी ह्याकरहरूले अमेरिकी आणविक वैज्ञानिक, रक्षा उद्योगसँग सम्बन्धित कम्पनी तथा सरकारी कर्मचारीहरूको इमेल प्रणालीलाई लक्षित गरेको बताएका हुन् ।

निजी साइबर सुरक्षा कम्पनीहरू र विभिन्न गुप्तचर निकायका अनुसार यो साइबर जासुसी अभियान करिब एक वर्षदेखि जारी छ । इमेल सुरक्षा कम्पनी प्रुफपोइन्टका अनुसार ह्याकरहरूले अमेरिकाका आणविक अनुसन्धान केन्द्र तथा रक्षा उद्योगसँग सम्बन्धित संस्थाहरूको इमेल सर्भरलाई निशाना बनाएका थिए ।