वरुण बेभरेजमा छापा: सेभेनअप उत्पादन र बिक्रीमा रोक

काठमाडौं । काठमाडौंको पेप्सीकोलास्थित वरुण बेभरेज नेपालद्वारा उत्पादित चिसो पेय पदार्थ सेभेनअपमा अखाद्य बाह्य पदार्थ भेटिएपछि खाद्य प्रविधि तथा गुण नियन्त्रण विभागले यसको उत्पादन र बिक्री वितरणमा तत्कालका लागि रोक लगाएको छ।

विभागमा प्राप्त उपभोक्ताको गुनासोको आधारमा खाद्य प्रविधि तथा गुण नियन्त्रण डिभिजन कार्यालय काठमाडौं, जिल्ला प्रशासन कार्यालय, वाणिज्य विभाग र प्रहरी प्रभाग काँडाघारीको संयुक्त टोलीले गत बिहिबार छापा मारेको थियो । त्यसक्रममा कैफियत फेला परेको थियो ।