विदेशीलाई खुसी पार्न गलत कुरा स्वीकार गर्ने प्रवृत्ति रोकौँ : पूर्वप्रधानमन्त्री नेपाल

काठमाडौँ । पूर्वप्रधानमन्त्री एवं नेपाली कम्युनिस्ट पार्टी (नेकपा)का सहसंयोजक माधवकुमार नेपालले मुलुकको राजनीतिमा देखिएका विकृति विसङ्गतिबाट वामपन्थी दलहरू समेत अछुतो रहन नसकेको बताएका छन्।

शुक्रबार पुष्पलाल स्मृति दिवसको सन्दर्भमा काठमाडौँमा आयोजित ‘वर्तमान राजनैतिक परिस्थितिमा वामपन्थी दलहरूको भूमिका’ विषयक विचार गोष्ठीमा बोल्दै उनले यस्तो बताएका हुन्। वामपन्थी शक्तिहरूले आफ्नै विगतको भूमिका, नीति र व्यवहारको गम्भीर आत्मसमीक्षा नगरीकन कम्युनिस्ट आन्दोलनलाई नयाँ उचाइमा पुर्‍याउन नसकिने उनको भनाइ छ। उनले मुलुकको राजनीति बिग्रनुमा अरूलाई दोषारोपण गरेर मात्र नपुग्ने भन्दै आफूहरूले अपनाएका नीति, गतिविधि, व्यवहार र जनसम्पर्कका कमजोरीहरूको समीक्षा गर्नुपर्ने आवश्यकता औँल्याए।