३५ वर्षदेखि अलपत्र पश्चिम सेतीको भाग्यरेखा: कहिले बन्छ १२ सय मेगावाटको आयोजना ?

पश्चित सेती आयोजना, तपाईंले नाम सुनेको त वर्षौं भयो होला । सुदूरपश्चिमको समृद्धिको सपनासँग जोडिएको यो महत्त्वाकांक्षी आयोजना, ३५ वर्षदेखि चर्चा र विवादको केन्द्रमा छ । दशकौं पहिले सेती नदीको बहावलाई रोकेर ७५० मेगावाटको जलाशययुक्त आयोजना बनाउने सपना बाँडिएको थियो ।

फ्रान्सेली कम्पनीको अध्ययनदेखि अस्ट्रेलियाली, चिनियाँ हुँदै अन्ततः भारतीय कम्पनीको हातसम्म यो आयोजना पुग्यो । तर, किन अहिलेसम्म आयोजना बन्न सकेन ? र अब कहिलेसम्म बन्छ त ? यसबारे विस्तृतमा बुझ्ने प्रयास गरौं ।