दुई हजार २७६ जनालाई थुनामा राख्न भिडियो कन्फरेन्समार्फत म्याद थप

काठमाडौं । जिल्ला प्रहरी परिसर काठमाडौंले ०८२ पुसयता दुई हजार २७६ जनालाई थुनामा राख्न भिडियो कन्फरेन्समार्फत म्याद थप गरिएको जनाएको छ । विभिन्न कसुरमा पक्राउ परेकालाई जिल्ला प्रशासन कार्यालय र अदालतबाट भिडियो कन्फरेन्समार्फत म्याद थप गरिएको हो ।

प्रहरीले कोही व्यक्तिलाई पक्राउ गरेको २४ घण्टाभित्र आरोपितलाई थुनामा राख्न जिल्ला प्रशासन वा अदालतबाट अनुमति लिनुपर्ने कानुनी व्यवस्था छ । सोही प्रक्रियाका निम्ति भिडियो कन्फरेन्समार्फत म्याद गरिएको हो ।