७ प्रतिशत आर्थिक वृद्धि: सम्भावनाको आशा कि महत्त्वाकांक्षाको भ्रम ?

चालु आर्थिक वर्षमा सरकारले ७ प्रतिशत आर्थिक वृद्धिदर गर्ने लक्ष्य लिएको छ । जुन निकै महत्वकांक्षि देखिन्छ । विगतका वर्षहरुको तथ्यांक हेर्दा पनि नेपालको आर्थिक वृद्धिको लक्ष्य त्यति सहज देखिदैन । पछिल्लो समय सिथिल रहेको अर्थतन्त्रको बीचमा यो लक्ष्य हासिल गर्नका लागि सरकारलाई फलाको चिउरा चपाउनु जतिकै कठिन हुन सक्छ ।

कठिन भए पनि असम्भव भने कुनै पनि कुरा नहोला । तर, सरकारले लिएको आर्थिक वृद्धिका लागि पुँजीगत खर्च बढ्ने पर्ने र कर्जा विस्तार पनि सोही अनुसार बढ्नु पर्ने हुन्छ । त्यस नभएको अवस्थामा सरकारले लिएको लक्ष्य हासिल गर्नका लागि निकै गरो हुने देखिन्छ । नेपाल राष्ट्र बैंकले लिएको कर्जा विस्तारको नीतिले भने यो लक्ष्य हासिल गर्नका लागि निकै कठिन रहेको छ । राष्ट्र बैंकले चालु आर्थिक वर्षको मौद्रिक नीति मार्फत ११ प्रतिशतले कर्जा विस्तार गर्ने लक्ष्य लिएको छ ।