नेपालको समृद्धिका लागि एनआरएनए र पत्रकारबिच बलियो सहकार्य आवश्यक : रोविन शेरचन

जापान । गैरआवासीय नेपाली संघ (एनआरएनए) का वरिष्ठ उपाध्यक्ष रोविन शेरचनले प्रवासमा रहेका नेपाली पत्रकार र एनआरएनए बिचको सहकार्यले मात्र नेपालको समृद्धिको यात्रा सम्भव हुने बताएका छन्।

नेपाल पत्रकार महासङ्घ जापान शाखाको आयोजनामा टोकियोमा शनिबार आयोजित ‘एफएनजे ग्लोबल मिडिया कन्फरेन्स जापान २०२६’ मा बोल्दै शेरचनले पत्रकारिता र एनआरएनएबिचको सम्बन्ध समाचार आदानप्रदानमा मात्र सीमित हुनु नहुनेमा जोड दिए । उनले भने- ‘आज विश्वभर नेपाली डायस्पोरासँग अथाह ज्ञान, सीप, पुँजी र अनुभव छ । पत्रकारिताले यो शक्तिलाई नेपालको विकास र समृद्धिसँग जोड्ने एउटा बलियो पुलको रूपमा भूमिका निर्वाह गर्नुपर्छ।’