नेपालमै पहिलोपटक ‘ड्रोन बीमालेख’ सञ्चालनमा, दुर्घटना, चोरीदेखि अपरेटरसम्मको सुरक्षा

काठमाडौँ / सगरमाथा लुम्बिनी इन्स्योरेन्स कम्पनी लिमिटेड (सलिको) ले नेपालमै पहिलोपटक ‘ड्रोन बीमालेख’ सञ्चालनमा ल्याएको छ। नेपाल बीमा प्राधिकरणबाट स्वीकृति प्राप्त गरेसँगै कम्पनीले ड्रोन प्रयोगकर्तालाई लक्षित गर्दै नयाँ बीमा योजना सार्वजनिक गरेको हो।

कम्पनीका अनुसार यो बीमालेखले ड्रोन दुर्घटना, चोरी तथा प्राकृतिक विपत्तिका कारण हुने क्षतिलाई समेट्नेछ। ड्रोन उडाइरहेका बेला पानी, भूकम्प, चट्याङ वा अन्य कारणबाट हुने क्षति र चोरीका घटनामा पनि बीमा सुरक्षा उपलब्ध हुनेछ।