आकासमा काँलो बादल मडारिना साथ त्रसित हुन्छन् ‘ब्रह्मपुरी’का बासिन्दा

जनकपुरधाम । उमेरले साढे ६ दशक पार गरेकी जगमती देवी बैठा रौतहटको राजदेवी नगरपालिका, ब्रह्मपुरी गाउँस्थित बागमती नदी किनारको बाँध भएको स्थानमा टोलाएर बसेकी छन् । पटक–पटक बाढीले घर डुबानमा पार्ने गरेकाले उनी वर्षायाम सुरु भएसँगै त्रसित छिन् ।

बागमतीमा पानीको सतह बढेको देखाउँदै उनले भनिन्, ‘यहाँ जति पानी बढ्छ, हामी त्यत्तिकै त्रसित हुन्छौँ । ३ वर्ष पहिला आएको बाढीले गाउँ नै बेहालमा पारिदिएको थियो । खेतबारीमा लगाएको धानको बालीसँगै घरमा भएको अन्नपात र सामान बगाएर लगेको थियो ।’