घुससहित डिभिजन प्रमुख र इन्जिनियर अख्तियारको फन्दामा

अख्तियार दुरुपयोग अनुसन्धान आयोगले सर्लाहीस्थित भूमिगत जलस्रोत तथा सिँचाइ विकास डिभिजन कार्यालयका डिभिजन प्रमुख र एक मेकानिकल अधिकृतलाई ७ लाख ५० हजार रुपैयाँ घुससहित नियन्त्रणमा लिएको छ।

अख्तियार दुरुपयोग अनुसन्धान आयोगबाट खटिएको टोलिले भूमिगत जलस्रोत तथा सिँचाइ विकास डिभिजन कार्यालय, सर्लाहीकी डिभिजन प्रमुख सि डि इ अनुपमा ढकाल र मेकानिकल अधिकृत तुलाकान्त चौधरीलाई घुस रकम सहित रंगेहात पक्राउ गरेको हो।