अब स्मार्टफोन बन्नेछ तपाईंको डिजिटल हेल्थ फाइल, आपतकालीन अवस्थामा पनि काम लाग्नेछ मेडिकल आईडी फिचर

काठमाडौं । आजको समयमा स्मार्टफोन केवल कल, मेसेजिङ वा सामाजिक सञ्जाल चलाउनका लागि मात्र सीमित छैन । अहिले यो डिभाइसले तपाईंको स्वास्थ्यसँग सम्बन्धित महत्त्वपूर्ण जानकारी पनि सुरक्षित राख्न सक्छ । गुगल हेल्थ, स्यामसङ हेल्थ र एप्पल हेल्थ जस्ता हेल्थ एपहरूको मद्दतले तपाईं आफ्नो मेडिकल रिपोर्ट, औषधिको विवरण र आपतकालीन सम्पर्क नम्बरहरू एउटै स्थानमा सुरक्षित राख्न सक्नुहुन्छ ।

यसको विशेष कुरा के हो भने, आपतकालीन अवस्थामा फोन लक भएको भएपनि मेडिकल आईडी हेर्न सकिन्छ । यसले चिकित्सक तथा उद्धार टोलीलाई उपचार सुरु गर्न आवश्यक जानकारी तुरुन्तै उपलब्ध गराउँछ ।