आईभीएफ सेवा व्यवस्थित गर्न छुट्टै कानुन ल्याउँदै सरकार, स्वास्थ्यमन्त्रीले थालिन् विज्ञसँग छलफल

सरकारले इन–भिट्रो फर्टिलाइजेसन (आईभीएफ) सेवालाई सुरक्षित, गुणस्तरीय र व्यवस्थित बनाउन छुट्टै कानुन ल्याउने भएको छ । स्वास्थ्य तथा खाद्य स्वच्छतामन्त्री निशा मेहताले आवश्यक ऐन तथा कार्यविधि निर्माणका लागि विभिन्न सरोकारवाला व्यक्ति तथा निकायसँग छलफल थालेकी छन् ।

शुक्रबार मात्रै डा. श्रीप्रसाद अधिकारी, डा. ज्योति थापा, डा. बिनिता थापालगायतको टोलीसँग मन्त्री मेहताले यस विषयमा छलफल गरेकी छन् ।