वालेट खोल्न पनि राष्ट्रिय परिचयपत्र चाहिने, राष्ट्र बैंकले जारी गरेको व्यवस्थामा के-के ?

नेपाल राष्ट्र बैंकले भुक्तानी सेवा प्रदायक संस्थाहरूका लागि जारी गरिएको एकीकृत निर्देशनमा संशोधन गर्दै डिजिटल वालेट प्रयोगकर्ताहरूका लागि राष्ट्रिय परिचयपत्र अनिवार्य गरेको छ।

नयाँ व्यवस्थाअनुसार अब नेपाली नागरिकले वालेट खोल्दा राष्ट्रिय परिचयपत्रको विद्युतीय अभिलेखअनुसार विवरण रुजु गर्नुपर्नेछ। वालेट कम्पनीहरूले २०८३ असोज मसान्तभित्र आफ्ना ग्राहकहरूबाट राष्ट्रिय परिचयपत्र भए/नभएको स्वःघोषणा लिनुका साथै परिचयपत्र भइसकेकाहरूको नम्बर अद्यावधिक गरिसक्नुपर्नेछ।