मुगुमा पहिरोमा परि तीन वर्षीय बालकाको मृत्यु, बाबुआमा घाइते

काठमाडौं । मुगुको मुगुम कार्मारोङ गाउँपालिका–५ पुलु बजारमा शनिबार बिहान ४ बजेतिर खसेको पहिरोमा परि तीन वर्षीय बालकको मृत्यु भएको छ भने उनका बाबुआमा घाइते भएका छन्।

जिल्ला प्रहरी कार्यालय मुगुका अनुसार पुलु बजारस्थित पेमा लामाको घरमा भाडामा होटल व्यवसाय सञ्चालन गरी बसिरहेका छायाँनाथ रारा नगरपालिका–१३ तिर्प निवासी ३२ वर्षीय जगनाथ बडुवाल, उनकी २७ वर्षीया श्रीमती सृजना बडुवाल र तीन वर्षीय छोरा रमेश बडुवाल सुतिरहेको बेला माथिबाट ढुङ्गासहितको पहिरो खसेको थियो।