समुद्रको गहिराइमा जापानले खनन परीक्षण गर्ने

टाेकियाे । उच्च प्रविधिमा प्रयोग हुने दुर्लभ पृथ्वी खनिजको आपूर्ति सुरक्षित गर्ने रणनीतिअन्तर्गत जापानले आगामी फेब्रुअरीमा प्रशान्त महासागरको करिब ६ हजार मिटर गहिराइमा पूर्णस्तरको समुद्री खनन परीक्षण गर्ने भएको छ । हालै समुद्री सतहबाट सफलतापूर्वक नमूना सङ्कलन भएपछि सरकारले यो योजना सार्वजनिक गरेको हो ।

जापानी प्रधानमन्त्री साने ताकाइचीले यस वर्षको सुरुमा मिनामी तोरिशिमा टापुनजिक गहिरो समुद्री ड्रिलिङ जहाजबाट ल्याइएका नमूनामा यट्रियम फेला परेको जानकारी दिएकी छन् । उनका अनुसार यट्रियम विश्वमै दुर्लभ मानिने खनिज हो ।