फुटेका पैतालाहरूको सुस्केरा सुन्ने लक्ष्मी

काठमाडौँको सडकमा एक युवती लोकसेवा आयोगको किताब बोकेर भविष्यको सपना बुनिरहेकी थिइन्। उनको गन्तव्य स्पष्ट थियो– निजामती सेवाको एउटा प्रतिष्ठित पद, सुबिस्ताको जीवन र परिवारको खुसी। तर, परिस्थिति या एउटा मोड यस्तो आयो, जसले उनको हातको किताब खोसेर न्यायको ब्यानर थमाइदियो। ती युवती थिइन् लक्ष्मी घिमिरे, जो आज मिटरब्याज र लघुवित्तको शोषणविरुद्ध एउटा खम्बा बनेर उभिएकी छन्।

उनी विराटनगरबाट काठमाडौँ लोकसेवाको तयारीका लागि गएकी थिइन्। नायब सुब्बा बन्ने उनको सपना थियो। एक समय उनी जागिर गर्दै पनि आन्दोलनमा सरिक भइन्।