रसुवा बाढी : २१ विदेशी सहित २ हजार ६९७ जनाको उद्धार, टनेल खोजी कार्य वर्षाले रोकियो

काठमाडौं ।

रसुवामा आएको भीषण बाढीपछि उद्धार कार्यलाई तीव्रता दिइएको छ। नेपाली सेनाका हवाई तथा स्थल उद्धार टोलीले आइतबार बिहान ७ बजेसम्म २ हजार ६९७ जनाको उद्धार गरेको जनाएको छ। नेपाली सेनाका अनुसार टिमुरे, स्याफ्रुवेशी, धुन्चे तथा मैलुङलगायतका क्षेत्रबाट हेलिकप्टरमार्फत २ हजार ४९७ जनाको हवाई उद्धार गरिएको छ।