राहदानी प्रणाली स्थिर बन्दै, ठेक्का विवाद र दबाबको बीच परराष्ट्रको प्रस्टोक्ति

काठमाडौं । परराष्ट्र मन्त्रालयले नयाँ ई–पासपोर्ट (राहदानी) प्रणालीमा देखिएका प्रारम्भिक प्राविधिक समस्या क्रमशः समाधान हुँदै गएको बताउँदै नेपाली नागरिकलाई सहज, सरल र प्रभावकारी राहदानी सेवा उपलब्ध गराउन सरकार प्रतिबद्ध रहेको जनाएको छ ।

शुक्रबार आयोजित नियमित प्रेस ब्रिफिङमा मन्त्रालयका प्रवक्ता लोकबहादुर पौडेलले नयाँ प्रणाली लागू भएको २०८३ असार २९ (१३ जुलाई २०२६) यता हालसम्म ८ हजार २६० वटा राहदानी नयाँ प्रणालीबाट छापिइसकेको जानकारी दिए । उनका अनुसार अहिले राहदानी विभाग, सबै ७७ जिल्ला प्रशासन कार्यालय, ६ इलाका प्रशासन कार्यालय र विदेशस्थित ३१ नेपाली नियोगबाट राहदानी आवेदन लिने सेवा सञ्चालनमा छ । थप ८ वटा नियोगमा जुनसुकै समयमा बायोमेट्रिक इनरोलमेन्ट गर्न सकिने व्यवस्था गरिएको छ ।