जेब्राक्रसमा पर्यटक बसको ठक्करबाट पैदलयात्रीको मृत्यु

पोखरा । पोखरा महानगरपालिका-१० उत्तमचोकस्थित जेब्राक्रसमा पर्यटक बसको ठक्करबाट एक पैदलयात्रीको मृत्यु भएको छ।

जिल्ला ट्राफिक प्रहरी कार्यालय कास्कीका अनुसार शुक्रबार दिउँसो करिब २ः५० बजे पृथ्वीचोकबाट अमरसिंहचोकतर्फ जाँदै गरेको गण्डकी प्रदेश ०१-००१ प ००३० नम्बरको पर्यटक बसले जेब्राक्रसबाट सडक पार गरिरहेका स्याङ्जा घर भई हाल पोखरा-१० बस्दै आएका राम (राजु) थापालाई ठक्कर दिएको हो।