व्यक्तिको मर्यादाको रक्षा राज्यको दायित्व

समाज वा व्यक्तिलाई कुनै पनि प्रकारको आर्थिक वा मानसिक क्षतिबाट जोगाउनु राज्यको दायित्व हो । यसैले जुवाबाट जोगाउन सरकारले वेबसाइट र एप्लिकेसनहरू बन्द गर्दा त्यसको विरोध नहुनुको मूल कारण यही नै हो । यद्यपि, सामाजिक सञ्जालबाट नागरिकको मर्यादा र व्यक्तित्वमाथि गरिने आक्रमणमा भने सरकार अहिलेसम्म मुकदर्शक देखिन्छ ।

नेपाल दूरसञ्चार प्राधिकरणले दुई लाखभन्दा बढी अनलाइन जुवा र अवैध आर्थिक कारोबारसँग सम्बन्धित वेबसाइट तथा एप बन्द गरेको जनाएको छ । यस्ता माध्यम पुनः सञ्चालन भइरहने भएकाले निरन्तर निगरानी र अनुगमन अपरिहार्य हुने प्राधिकरणको भनाइ छ ।