अख्तियारको वार्षिक समीक्षा : ९९० जनाविरूद्ध मुद्दा, २५ अर्ब ३१ करोड बिगो दाबी

काठमाडौँ। अख्तियार दुरुपयोग अनुसन्धान आयोगले गत आर्थिक वर्ष २०८२/८३ मा ३३ हजार ३२८ नयाँ उजुरी प्राप्त गरेको जनाएको छ। अघिल्लो आर्थिक वर्षबाट जिम्मेवारी सरेका ७ हजार ३२३ उजुरीसमेत जोड्दा आयोगले कुल ४० हजार ६५१ उजुरीमाथि काम गरेको हो।

आयोगले शुक्रबार टंगालस्थित कार्यालयमा आयोजित वार्षिक समीक्षा कार्यक्रममा सार्वजनिक गरेको प्रारम्भिक तथ्याङ्कअनुसार कुल उजुरीमध्ये ३२ हजार ७९९ (८०.६८ प्रतिशत) उजुरी फर्छ्योट गरिएको छ भने ७ हजार ८५२ उजुरी चालु आर्थिक वर्ष २०८३/८४ मा जिम्मेवारी सरेका छन्।