मुख्यमन्त्रीविरुद्ध दर्ता अविश्वासको प्रस्तावमाथि छलफल गर्न डाकिएको प्रदेशसभा बैठक बस्न ढिलाइ

सुर्खेत । कर्णालीका मुख्यमन्त्री यामलाल कँडेलविरुद्ध दर्ता भएको अविश्वासको प्रस्तावमाथि छलफल केन्द्रित प्रदेशसभा बैठक बस्न ढिलाइ भएको छ ।

दिउँसो ३ बजेदेखि बैठक बस्ने भनिए पनि यो समाचार तयार पार्दासम्म बैठक बस्न सकेको छैन । प्रदेश सभाका सूचना अधिकारी राजेन्द्र पौडेलका अनुसार अहिले कार्य व्यवस्था समितिको बैठक बसिरहेको छ ।