खोक्से–सुकेटार सडक खण्ड : रोक्का घरजग्गा फुकुवा गर्न सरकारसँग स्थानीयको माग

ताप्लेजुङको फुङ्लिङ नगरपालिकाले मेची राजमार्गअन्तर्गत खोक्सेखोला–सुकेटार सडक खण्डलाई स्थानीय तहको मातहत रहने गरी सडक सीमाको पुनरावलोकन गर्न सरकारसमक्ष सिफारिससहित अनुरोध गर्ने निर्णय गरेको छ।

मेची राजमार्गअन्तर्गतको सडक सीमाका विषयमा शुक्रबार फुङ्लिङका स्थानीयसँग वृहत् छलफल गरेपछि नगरपालिकाले सडक सीमासम्बन्धी निर्णयका कारण रोक्का रहेका सम्पूर्ण घरजग्गा फुकुवाका लागि नेपाल सरकार मन्त्रिपरिषद्समक्ष अनुरोध गर्ने निर्णय गरेको नगरप्रमुख अमिर मादेनले जानकारी दिए।