झिंगे दाउ २ मा तीजको रौनक

युट्युबमा पहिलो शृंखलाले आक्रामक भ्यूज बटुलिरहेका बेला झिंगे दाउको दोस्रो भागले तीजलाई लक्षित गर्दै नया आकर्षण थपेको छ। ओएसआर डिजिटलबाट सार्वजनिक भएको झिंगे दाउलाई दुई दिन नबित्दै २१ लाखभन्दा बढी पटक हेरिएको छ भने झिंगे दाउ २ को शीर्ष गीतको छायांकन सकिएको छ।

युट्युबमा दर्शकको उत्साहजनक प्रतिक्रिया पाइरहेको पहिलो भागले डिजिटल प्लेटफर्ममा पनि राम्रो प्रभाव छाडिरहेको छ। हल प्रदर्शनका क्रममा बक्स अफिसमा समेत सुखद् कमाइ गरेको फिल्मको सफलतासगै दोस्रो भागप्रति दर्शकको चासो बढिरहेको निर्माण पक्षको दाबी छ। झिंगे दाउ २ का लागि छायांकन गरिएको तीज विशेष गीतमा अभिनेत्री केकी अधिकारी र आ“चल शर्मा मुख्य आकर्षण बनेका छन्। रातो सारीमा सजिएका उनीहरू मादल बजाउ“दै नाच्नुका साथै जेठानी–देउरानीको भूमिकामा आपसमा झगडा गर्दै देखिनेछन्। गीतले पारिवारिक सम्बन्धभित्रको रमाइलो टकरावलाई मनोरञ्जनात्मक ढंगले प्रस्तुत गर्ने जनाइएको छ।