राप्रपा महाधिवेशनमा लिङदेनविरुद्ध उठ्ने ज्ञानेन्द्र शाहीको तयारी

काठमाडौँ । राष्ट्रिय प्रजातन्त्र पार्टी (राप्रपा) को संसदीय दलका नेता तथा प्रवक्ता ज्ञानेन्द्र शाहीले पार्टीको आसन्न महाधिवेशनमा अध्यक्ष पदमा उम्मेदवारी दिने भएका छन् । राप्रपाभित्र पनि नेतृत्वमा पुस्तान्तरण हुनुपर्ने भन्दै उनले अध्यक्षमै लड्ने तय गरेका हुन् ।

राप्रपाको महाधिवेशन आगामी मंसिर २६, २७ र २८ गते काठमाडौँमा हुँदै छ । उक्त महाधिवेशनबाट अध्यक्ष राजेन्द्र लिङदेन फेरि दोहोरिने योजनामा छन् । यद्यपि उनले आधिकारिकरुपमा उम्मेदवारी घोषणा गर्न बाँकी छ ।