‘ल्हेन्दे खोलाको ताल फुट्न सक्छ, तटीय क्षेत्रमा उच्च सतर्कता अपनाउनू’

११ भदौ, काठमाडौं । विपद व्यवस्थापन प्राधिकरणले रसुवागढी नाकाबाट करिब १८ किलोमिटर माथिल्लो तटीय क्षेत्रमा ल्हेन्दे खोलाको बहाव अवरुद्ध भई ठूलो ताल बनेको प्रारम्भिक अध्ययनबाट देखिएको उल्लेख गरेको छ । ताल फुटेर बाढी आउने जोखिम भएकाले तल्लो तटीय क्षेत्रमा सतर्कता अपनाउन अपिल गरेको छ ।

प्राधिकरणका अनुसार आज बिहान ११:४४ बजे प्राप्त प्लानेट ल्याब्स र ल्याण्डस्याटका स्याटेलाइट तस्वीरको विश्लेषणका आधारमा गरिएको प्रारम्भिक अध्ययनअनुसार उक्त क्षेत्रमा करिब ०.११ वर्गकिलोमिटर क्षेत्रफलको ताल बनेको देखिएको छ ।