वीवाईडीले बजेटको अघिल्लो दिन ल्याएका गाडीले सुशासनको नारा गिज्याउदै, होला कारबाही ?

काठमाडौं । नेपालको विद्युतीय सवारीसाधन (ईभी) बजार यतिबेला एउटा अनौठो विवादको केन्द्रमा पुगेको छ । मुस्ताङको कोरला र रसुवाको केरुङ नाका हुँदै नेपाल भित्रिएका ७७५ भन्दा बढी ईभी गाडी सशस्त्र प्रहरी बलले नियन्त्रणमा लिएपछि तथ्यको फरक–फरक व्याख्या देखिएको छ। गाडीहरू बाटोमै रोकिएका छन्, सरकार छानबिनमा छ, तर आयातकर्ताले भने आफूले कुनै गल्ती नगरेको दाबी गरिरहेको छ । प्रश्न एउटै छ– यी गाडीहरू वास्तवमै भन्सार छलेर भित्र्याइएका हुन् कि कानुनी प्रक्रिया पूरा गरेर आयात गरिएका हुन् ?

दुई तिहाई नजिकको राष्ट्रिय स्वतन्त्र पार्टी नेतृत्वको सरकारले ल्याएको पहिलो बजेट विवादमा छ। करका दर हेरफेरदेखि बजेटमा आफूखुशी संशोधन गर्दा बजेटको विश्वसनीयतामाथि नै प्रश्न उठिरहेका छन्। सरकारले संसद छलेर करका दर नै हेरफेर गरेपछि विपक्षी दलले संसदमै प्रश्न उठाइरहेका छन्।