गण्डकीको गाँजा विधेयक प्रदेश प्रमुखद्वारा फिर्ता

गण्डकी प्रदेश सभाबाट सर्वसम्मत रूपमा पारित भएको गाँजा खेतीलाई नियमन गर्ने विधेयक प्रदेश प्रमुख डिल्लीराज भट्टले प्रमाणीकरण नगरी प्रदेश सभामै फिर्ता पठाएका छन्।

प्रदेश प्रमुखको कार्यालयका अनुसार २०८३ असार ३० गते प्रमाणीकरणका लागि प्राप्त भएको विधेयक नेपालको संविधानको धारा २०१ को उपधारा ३ बमोजिम सन्देशसहित प्रदेश सभामा फिर्ता पठाइएको हो। प्रदेश प्रमुखले विधेयक संविधान, सङ्घ–प्रदेश–स्थानीय तह (समन्वय तथा अन्तरसम्बन्ध) ऐन, २०७७ तथा लागू औषध (नियन्त्रण) ऐन, २०३३ सँग बाझिएको निष्कर्ष निकालेका छन्।