रसुवा बाढीः दुई हजार ६९७ जनाको उद्धार

रसुवामा आएको बाढीका कारण प्रभावितहरूको उद्धारका क्रममा नेपाली सेनाले भदौ १४ गते बिहान ७ बजेसम्म दुई हजार ६९७ जनाको उद्धार गरेको छ ।

नेपाली सेनाका अनुसार टिमुरे, स्याफ्रुबेँसी, धुन्चे तथा मैलुङ क्षेत्रबाट नेपाली सेनाका हवाई साधनमार्फत विदेशी नागरिक २१६ जनासहित दुई हजार ४९७ जनाको हवाई उद्धार गरिएको छ । उद्धार गरिएका विदेशी नागरिकमा १२१ भारतीय, चार जर्मन, ७२ चिनियाँ, दुई अमेरिकी, दुई इटालियन, एक ओमानी र १५ कोरियाली नागरिक रहेका छन् ।