डा. गोविन्द केसीको उपचार व्यवस्थापन सुदृढ बनाउन स्वास्थ्यमन्त्रीको निर्देशन

काठमाडौँ। पाँच बुँदे माग राख्दै बिहीबारदेखि २४औँ सत्याग्रहमा बसेका प्राध्यापक डा. गोविन्द केसीको स्वास्थ्य अवस्था जटिल बन्दै गएपछि स्वास्थ्य तथा खाद्य स्वच्छता मन्त्री निशा मेहताले उपचार व्यवस्थापनमा प्रत्यक्ष चासो देखाएकी छन्।

मन्त्री मेहताले सेती प्रादेशिक अस्पतालका प्रमुख चिकित्सा अधिकृत डा. हेमराज पाण्डेसँग संवाद गर्दै डा. केसीको उपचार प्रभावकारी बनाउन, आवश्यक समन्वय गर्न तथा उपचार व्यवस्थापनलाई सुदृढ बनाउन निर्देशन दिएकी हुन्।