एमाले–नेकपाबीच पाँच प्रदेशमा संयुक्त सरकार बनाउने सहमति, दुई प्रदेशमा थप परामर्श हुने

नेपाल कम्युनिष्ट पार्टी (एमाले) र नेपाली कम्युनिष्ट पार्टीबीच पाँच प्रदेशमा संयुक्त सरकार गठन गर्ने सहमति भएको छ। एमाले अध्यक्ष केपी शर्मा ओली र नेकपा संयोजक पुष्पकलम दाहालले हस्ताक्षर गरेको सहमतिपत्रअनुसार प्रदेश सरकार गठन, नेतृत्व बाँडफाँट तथा राजनीतिक सहकार्यका विषयमा साझा समझदारी भएको हो।

सहमतिपत्रमा विगतमा प्रदेश सभामा बजेट निर्माणका क्रममा देखिएका असमझदारी, बजेट विहीनताको अवस्था तथा अनावश्यक राजनीतिक प्रतिस्पर्धाबाट उत्पन्न समस्याको समाधान गर्दै जनचाहनाअनुसार राजनीतिक स्थिरता, सुशासन, समृद्धि र द्रुत विकासलाई अघि बढाउने उद्देश्यले सहमति गरिएको उल्लेख छ।