फेसबुकको नयाँ अपडेट : सेल्फी भिडिओ पठाएर नि:शुल्क भेरिफाइड बन्न सकिने

काठमाडौं । सामाजिक सञ्जालमा बढ्दो एआई (कृत्रिम बुद्धिमत्ता) प्रयोगसँगै नक्कली प्रोफाइल र डिजिटल ठगीका घटना बढ्न थालेपछि फेसबुकले प्रयोगकर्ताको वास्तविक पहिचान पुष्टि गर्ने नयाँ सुविधा सार्वजनिक गरेको छ । कम्पनीले ‘फेसबुक भेरिफाइड’ नामक नि:शुल्क भेरिफिकेसन ब्याज ल्याएको हो ।

यो सुविधा अन्तर्गत प्रयोगकर्ताले छोटो सेल्फी भिडिओ अपलोड गरेपछि फेसबुकले उक्त भिडिओलाई प्रोफाइलमा रहेका तस्बिरसँग तुलना गरी सम्बन्धित अकाउन्ट वास्तविक व्यक्तिको हो वा होइन भन्ने पुष्टि गर्नेछ । प्रमाणीकरण सफल भएपछि प्रयोगकर्ताले नि:शुल्क ‘फेसबुक भेरिफाइड’ ब्याज प्राप्त गर्नेछन् ।