एआई क्यामेराको मद्दतले काठमाडौंमा ५९ जना पक्राउ

काठमाडौं । जिल्ला प्रहरी परिसर काठमाडौंले शान्ति सुरक्षालाई सुदृढ र प्रभावकारी बनाउन आधुनिक प्रविधिको प्रयोगलाई तीव्रता दिएको छ । परिसरले शुक्रबार पत्रकार सम्मेलनको आयोजना गरी सुरक्षा व्यवस्थापनमा भइरहेका पछिल्ला प्राविधिक प्रयास र उपलब्धिबारे जानकारी गराएको हो ।

प्रहरीका अनुसार अहिले फिल्डमा खटिने सुरक्षाकर्मीको पोसाकमा ‘बडी वोर्न रियल टाइम भिडिओ सर्भिलेन्स क्यामेरा’ जडान गरिएको छ । यो प्रविधिमार्फत सुरक्षाकर्मीले कार्यस्थलमा देखिरहेका दृश्यहरू प्रहरीको केन्द्रीय कमान्ड सेन्टरबाट प्रत्यक्ष निगरानी गर्न सकिन्छ ।