काठमाडौंको तारकेश्वरमा कारभित्र भेटियो जलेको शव

काठमाडौं । काठमाडौंको तारकेश्वर नगरपालिका–१ स्थित कालेबासे चुनीदेवी बालुवा प्रशोधन केन्द्र नजिक पार्किङ गरिएको कारभित्र एक महिलाको जलेको शव फेला परेको छ।

जिल्ला प्रहरी परिसर काठमाडौंका प्रमुख (एसएसपी) दिलिप घिमिरेका अनुसार मृत्यु हुनेमा तारकेश्वर नगरपालिका–९ निवासी ४१ वर्षीया रश्मी रिजाल रहेकी छन्। उनको शव शनिबार दिउँसो कारको पछाडिको सिटमा जलेको अवस्थामा फेला परेको हो।