श्रम संस्कृति पार्टीमा प्रवेश गरेका उपमेयर र वडाध्यक्ष सहितलाई एमालेको कारबाही

९ साउन, धनकुटा । नेपाल कम्युनिष्ट पार्टी (एमाले) भोजपुर जिल्ला कमिटीले भोजपुर नगरपालिकाकी उपमेयर र वडाध्यक्षसहित केही नेता–कार्यकर्तामाथि कारबाही प्रक्रिया अघि बढाएको छ ।

पार्टीको नीति, सिद्धान्त र संगठनात्मक अनुशासनविपरीत गतिविधिमा संलग्न भएको आरोपमा भोजपुर नगरपालिकाकी उपमेयर निर्मला शेर्पालाई पार्टीको साधारण सदस्यसमेत नरहने गरी कारबाही गर्न तथा उपमेयर पदबाट हटाउन आवश्यक प्रक्रिया अघि बढाउन एमाले कोशी प्रदेश कमिटीसमक्ष सिफारिस गरेको हो ।