‘सनवेयन्स इनोभेसन फेस्ट २०२६’ आइतबार, एआईदेखि रोबोटिक्ससम्मका नवीन प्रविधि एकै मञ्चमा

काठमाडौं । कृत्रिम बौद्धिकता (एआई), रोबोटिक्स, ड्रोन, अनुसन्धान र नवप्रवर्तनका पछिल्ला प्रविधिबारे प्रत्यक्ष अनुभव गराउने उद्देश्यका साथ ‘सनवेयन्स इनोभेसन फेस्ट २०२६’ आयोजना हुने भएको छ । कार्यक्रम साउन १० गते आइतबार बत्तीसपुतलीस्थित अनुपम फुडल्याण्डमा बिहान ९ बजेदेखि साँझ ६ बजेसम्म सञ्चालन हुनेछ ।

आयोजकका अनुसार विद्यार्थी, प्रविधिप्रेमी, अनुसन्धानकर्ता, स्टार्टअप तथा उद्योग क्षेत्रका विज्ञलाई एउटै प्लेटफर्ममा जोड्दै ज्ञान आदान प्रदान, सीप विकास र सहकार्यको वातावरण सिर्जना गर्ने लक्ष्यसहित फेस्ट आयोजना गर्न लागिएको हो ।