प्रदेशमा एमाले-नेकपा सत्ता गठबन्धन बनेसँगै कर्णालीका मुख्यमन्त्री कँडेलले दिए राजीनामा

सुर्खेत । कर्णाली प्रदेशका मुख्यमन्त्री यामलाल कँडेलले राजीनामा दिएका छन् । आफूविरुद्ध अविश्वासको प्रस्ताव दर्ता भएपछि उनले राजीनामा दिएका हुन् । गत असार ३२ गते नेपाली कम्युनिस्ट पार्टी (नेकपा) र नेपाली कांग्रेसले संयुक्त रूपमा मुख्यमन्त्री कँडेलविरुद्ध अविश्वासको प्रस्ताव दर्ता गराएका थिए ।

उनले शनिबार पदबाट राजीनामा दिएका छन् । उनले सत्ता साझेदार दुई दलबीचको सहमतिको अवधि सकिएसँगै राजनीतिक विश्वासको वातावरण कमजोर बन्दै गएको र अन्ततः अविश्वासको प्रस्ताव दर्ता भएको पनि बताए ।