सुदूरपश्चिममा पाँचौँ मुख्यमन्त्री बन्दै खगराज भट्ट

धनगढी। सुदूरपश्चिम प्रदेशमा सत्ता परिवर्तन हुने निश्चित भएको छ। नेपाली कांग्रेसका संसदीय दलका नेता तथा मुख्यमन्त्री कमल बहादुर शाह सरकारबाट बिदाइ हुँदै छन् भने नेपाली कम्युनिस्ट पार्टी (नेकपा)का संसदीय दलका नेता खगराज भट्ट प्रदेशको पाँचौँ मुख्यमन्त्री बन्ने भएका छन्।

नेपाली कम्युनिस्ट पार्टी (नेकपा) र नेकपा एमालेबिच नयाँ सत्ता समीकरणका लागि सहमति भएपछि खगराज भट्टको नेतृत्वमा नयाँ सरकार गठन गर्ने तयारी अघि बढेको हो। दुवै दलबिच सत्ता साझेदारी, मन्त्रालयको भागबन्डा र साझा कार्यक्रमका विषयमा सहमति जुटे सँगै अब सुदूरपश्चिमको सरकार पनि नयाँ बन्ने भएको हो।