'आफ्नै देश आउँदा भिसा लगाउनुपर्ने अवस्था हुनुहुँदैन' (भिडिओ)

गैरआवासीय नेपाली संघ (एनआरएनए) की उपाध्यक्ष रोजिना प्रधान राईले नेपालको संविधानले व्यवस्था गरेको गैरआवासीय नेपाली (एनआरएन) नागरिकताको अधिकार कार्यान्वयनमा सरकारले थप ढिलाइ गर्न नहुने बताएकी छन्।

संविधानको धारा १४ ले विदेशी नागरिकता प्राप्त गरेका नेपाली मूलका व्यक्तिलाई आर्थिक, सामाजिक तथा सांस्कृतिक अधिकारसहित गैरआवासीय नेपाली नागरिकताको व्यवस्था गरेको भए पनि संविधान जारी भएको झन्डै ११ वर्ष बित्न लाग्दासमेत यसको प्रभावकारी कार्यान्वयन हुन नसकेको उनको भनाइ छ।