गण्डकी प्रदेशको गाँजा विधेयक प्रदेश प्रमुखद्वारा फिर्ता

पोखरा - गण्डकी प्रदेशले औषधीय तथा औद्योगिक प्रयोजनका लागि गाँजा खेतीलाई नियमन गर्ने उद्देश्यले पारित गरेको विधेयक प्रदेश प्रमुख डिल्लीराज भट्टले पुनर्विचारका लागि प्रदेश सभामा फिर्ता पठाएका छन्। शनिबार प्रदेश प्रमुखले संविधान र संघीय कानुनसँग मेल नखाएको उल्लेख गर्दै विधेयक प्रमाणीकरण नगरी फर्काएका हुन्।

गण्डकी प्रदेशमा प्रमाणीकरणका लागि पठाइएको कुनै विधेयक प्रदेश प्रमुखले फिर्ता पठाएको यो सम्भवतः पहिलो घटना हो।