कृष्णभीरमा बाटो भासिएपछि पृथ्वी राजमार्ग पूर्ण रूपमा अवरुद्ध

काठमाडौँ — धादिङको बेनीघाट रोराङ गाउँपालिका-७ स्थित कृष्णभीरमा बाढीका कारण सडक भासिएपछि पृथ्वी राजमार्ग पूर्ण रूपमा अवरुद्ध भएको छ।

जिल्ला प्रहरी कार्यालय चितवनले सूचना जारी गर्दै नारायणगढ-काठमाडौँ सडक खण्डमा दुवैतर्फको यातायात आवागमन ठप्प भएको जनाएको छ। बाटो भासिएपछि नारायणगढबाट काठमाडौँतर्फ जाने र काठमाडौँबाट आउने सबै किसिमका सवारी साधनहरू अर्को सूचना नआएसम्मका लागि रोकिएका छन्।