स्रष्टाको अनुमति बिना एआईमार्फत् गीत–संगीत प्रयोग नगर्न आग्रह

काठमाडौं । संगीत रोयल्टी सङ्कलन समाज नेपालले स्रष्टाको अनुमति बिना कृत्रिम बुद्धिमत्ता (एआई) मार्फत् गीत–संगीत प्रयोग गर्ने प्रवृत्ति बढ्दै गएको भन्दै चिन्ता व्यक्त गरेको छ । समाजले त्यस्ता कार्य तत्काल रोक्नसमेत आग्रह गरेको छ।

समाजका प्रमुख कार्यकारी अधिकृत सागर पाण्डेको हस्ताक्षरमा जारी विज्ञप्तिमा एआईको प्रयोगबाट गीत–संगीत सिर्जना तथा पुनःप्रयोग गर्ने क्रममा गीतकार, संगीतकार र सम्बन्धित अधिकारवालाको सहमति नलिई कृतिहरू प्रयोग भइरहेको उल्लेख गरिएको छ। यस्तो कार्यले स्रष्टाको बौद्धिक सम्पत्तिको अधिकार उल्लङ्घन गर्ने भएकाले अनुमति बिना कुनै पनि कृति प्रयोग नगर्न आग्रह गरिएको छ।