बागमतीमा सत्ता समीकरण फेरियो : एमाले बाहिरिएपछि बानियाँ सरकार अल्पमतमा, नयाँ गठबन्धनको कसरत

बागमती प्रदेशमा सत्ता समीकरण फेरिएको छ। सरकारमा सहभागी नेकपा (एमाले)ले समर्थन फिर्ता लिँदै आफ्ना सबै मन्त्रीलाई फिर्ता बोलाएपछि मुख्यमन्त्री इन्द्रबहादुर बानियाँ नेतृत्वको नेपाली कांग्रेस सरकार अल्पमतमा परेको छ।

बानियाँ २०८२ साउन २० गते कांग्रेस र एमालेका ६४ प्रदेशसभा सदस्यको समर्थनमा मुख्यमन्त्री बनेका थिए। तर केन्द्रमा बदलिएको राजनीतिक समीकरणसँगै एमाले सरकारबाट बाहिरिएपछि प्रदेशमा नयाँ सरकार गठनको प्रक्रिया सुरु भएको छ।