डा. गोविन्द केसीको स्वास्थ्य अवस्था जटिल, आईसीयूमा उपचार हुँदै

धनगढी ।

स्वास्थ्य क्षेत्रको सुधारका विभिन्न मागहरू राख्दै गत ३ दिनदेखि धनगढीमा आमरण अनशनमा बस्नुभएका प्रा.डा. गोविन्द केसीको स्वास्थ्य अवस्था जटिल बनेको छ । स्वास्थ्यमा गम्भीर समस्या देखिएपछि उहाँलाई सेती प्रादेशिक अस्पतालको सघन उपचार कक्ष (आईसीयू) को बेड नम्बर २ मा भर्ना गरी विशेषज्ञ चिकित्सकहरूको निगरानीमा उपचार सुरु गरिएको छ। सेती प्रादेशिक अस्पताल प्रशासनले आज साँझ एक प्रेस विज्ञप्ति जारी गर्दै डा. केसीको स्वास्थ्य अवस्था निकै कमजोर बन्दै गएको आधिकारिक जानकारी दिएको हो।