शिक्षा सचिव पौडेलद्वारा डा. केसीसँग अनौपचारिक संवाद

कैलाली । शिक्षा तथा खेलकुद मन्त्रालयका सचिव चुणामणि पौडेलले अनशनरत डा. गोविन्द केसीसँग सहमतिका लागि संवाद सुरु भएको बताएका छन् ।

शिक्षा तथा खेलकुदमन्त्री सस्मित पोखरेलसँगको समन्वयमा वार्ता तथा संवादमार्फत समाधान खोज्ने उद्देश्यले उनी धनगढी पुगेका हुन्। सचिव पौडेलले डा. केसी उपचाररत सेती प्रादेशिक अस्पतालमा पुगेर भेटघाट गरेका छन्। त्यस क्रममा डा. केसी र उनका सहयोगीसँग अनौपचारिक संवाद गरी धारणा बुझिएको तथा आइतबार उनका मागबारे औपचारिक संवाद हुने सचिव पौडेलले जानकारी दिएका छन्।