अब सेल्फी भिडियोबाटै गुगल अकाउन्टमा लगइन गर्न सकिने

काठमाडौं । गुगलले प्रयोगकर्ताको पहिचान पुष्टि गर्न सेल्फी भिडियो (Selfie Video Verification) मा आधारित नयाँ लगइन सुविधा सार्वजनिक गरेको छ । अब प्रयोगकर्ताले आवश्यक परेमा सेल्फी भिडियोमार्फत आफ्नो पहिचान प्रमाणित गरेर गुगल अकाउन्टमा लगइन गर्न सक्नेछन् ।

यो सुविधा विशेष गरी नियमित रूपमा प्रयोग गर्ने फोन वा कम्प्युटर उपलब्ध नभएको, अकाउन्ट लक भएको वा अन्य लगइन विकल्पले काम नगरेको अवस्थामा उपयोगी हुने गुगलले जनाएको छ । फोनको फेस अनलक (Face Unlock) वा पासकी (Passkey) जस्तै यो पनि अनुहारको पहिचानमार्फत सुरक्षा सुनिश्चित गर्ने अर्को माध्यम हो ।