मधेसमा पाँच वर्षमा २९ हजार दुर्घटना, २७४८ जनाको मृत्यु

जनकपुरधाम। मधेस प्रदेशमा पछिल्लो पाँच आर्थिक वर्षमा २९ हजार १८३ सडक दुर्घटना भएका छन्। यस अवधिमा ४१ हजार ६९७ सवारी साधन दुर्घटनामा परेका छन् भने दुई हजार ७४८ जनाले ज्यान गुमाएका छन्।

प्रहरी तथ्यांकअनुसार यस अवधिमा १० हजार ८६६ जना गम्भीर र ३६ हजार १४२ जना सामान्य घाइते भएका छन्। दुर्घटनाग्रस्त सवारीसाधनमध्ये मोटरसाइकलको संख्या सबैभन्दा बढी छ। दुर्घटनामा परेका सवारीसाधनमध्ये मोटरसाइकल मात्रै २८ हजार २७ वटा छन्, जुन कुल दुर्घटनाग्रस्त सवारीसाधनको करिब ६७ प्रतिशत हो।