अन्तर्राष्ट्रिय म्यान्ग्रोभ पारिस्थितिक प्रणाली संरक्षण दिवस: तटीय वातावरण जोगाउने महत्त्वपूर्ण आधार

काठमाडौँ । आज अन्तर्राष्ट्रिय म्यान्ग्रोभ पारिस्थितिक प्रणाली संरक्षण दिवस विश्वभर विभिन्न जनचेतनामूलक कार्यक्रम गरी मनाइँदै छ । सन् २०१५ मा संयुक्त राष्ट्र शैक्षिक, वैज्ञानिक तथा सांस्कृतिक संगठन (युनेस्को) ले स्थापना गरेको यो दिवस म्यान्ग्रोभ वनको महत्त्वबारे विश्वव्यापी चेतना फैलाउने तथा यसको दिगो संरक्षणलाई प्रोत्साहन गर्ने उद्देश्यले प्रत्येक वर्ष जुलाई २६ मा मनाइन्छ ।