प्रहरी प्रमुखको गम्भीर चिन्ता : अवैध शरणार्थी प्रवेशले बढायो सुरक्षा चुनौती

काठमाडौं । प्रहरी महानिरीक्षक (आईजीपी) दानबहादुर कार्कीले शरणार्थी नेपाल प्रवेशको विषयमा एकदमै गम्भीर विषय बाहिर ल्याएका छन् । नेपाल–भारतको खुला सीमा, तेस्रो मुलुकका शरणार्थीको अवैध प्रवेश तथा सीमापार अपराधमा कानुनी क्षेत्राधिकारको सीमितताले नेपालको सीमा सुरक्षामा जटिल चुनौती थपिएको बताएका छन् ।

शुक्रबार सिंहदरबारमा बसेको संघीयता सबलीकरण तथा राष्ट्रिय सरोकार समितिको बैठकमा सीमा सुरक्षा र अपराध नियन्त्रणबारे जानकारी गराउँदै आईजीपी कार्कीले पछिल्ला वर्षहरूमा भारत हुँदै रोहिङ्ग्या, पाकिस्तानी तथा सोमालियाली नागरिक अवैध रूपमा नेपाल प्रवेश गर्ने क्रम बढ्दो रहेको बताए।